வாக்காளர் அடையாள அட்டையும் ஆதார் அட்டையும் ஏன் இணைக்க முடியவில்லை? (SIR)

வாக்காளர் அடையாள அட்டையும்

ஆதார் அட்டையும் ஏன் இணைக்க முடியவில்லை?

இரண்டு நாட்களாக உச்ச நீதிமன்றத்தில் SIR பணிகளுக்கு எதிரான வழக்கு நடந்துகொண்டிருக்கின்றது. ஒன்றிய அரசு மற்றும் தேர்தல் ஆணையத்தை மீறி, தமிழ்நாடு உள்ளிட்ட மாநிலங்களில் நடைபெறும் SIR பணிகளுக்கு உச்ச நீதிமன்றம் தடைவிதிக்குமார் எனத் தெரியாது?

ஆண்டுக்கணக்காக செய்திருக்கவேண்டி இந்தப்பணிகளை ஒரு சில நாட்களில் செய்யவேண்டும் என நெருக்கடி கொடுத்து கட்டாயப்படுத்துவதன் காரணம் அனைவரும் அறிந்ததே.

ஆதார் இல்லை என்றால், இந்தியக் குடிமகன் இல்லை என்று கூறப்படும் அளவிற்கு, நாடு முழுதும் நீக்கமற நிறைந்துள்ளது. இறப்புச் சான்றிதழ் வாங்குவதற்கு கூட ஆதார் என்பது மிக மிக அவசியமாகியுள்ளது. ஆதார் இல்லை என்றால் வங்கியிலிருந்து நீங்கள் ஒரு கோடி இல்லை, ஒரு ரூபாய் கூட எடுக்க முடியாது, வங்கிக்கணக்கு முடக்கி வைக்கப்படுகிறது.

இந்தியக் குடிமகன் வயிற்றில் உயிர் கருவாக உருவாகும் போதிலிருந்தே ஆதார் இணைந்துகொள்கிறது. உணவில்லாமல், பணமில்லாமல் கூட வாழ்ந்திட முடியும், ஆனால் ஆதார் இல்லாமல் வாழமுடியாது என்ற நிலை உள்ளது.

இப்படி உயிரைவிட மேலானதாகக் கருதப்படும் ஆதார், இன்று வரை வாக்காளர் அடையாள அட்டையோடு இணைக்கப்படவில்லை. காரணத்தை மத்திய அரசும் தேர்தல் ஆணையமும்தான் கூறமுடியும்.

#இந்நிலையில்_இந்த_SIR_குறித்து_பார்க்கலாம்.

1. தமிழ்நாட்டில் எதிர்பார்த்தபடி தகவல்கள் நிரப்பப்பட்ட SIR படிவங்கள் வாக்காளர்களிடமிருந்து வரவில்லை என்பதாலோ என்னவோ, சில தகவல்களை தவிர்க்கலாம் எனக்கூறி, எளிமையாக நிரப்பும் வகையில் அவசரமாக ஒரு அறிவிப்பினை தலைமை தேர்தல் அதிகாரி நேற்று வெளியிட்டுள்ளார்.

2. தமிழ்நாட்டில் SIR தொடங்கிய நாளிலிருந்து, படிவத்தை எப்படி நிரப்புவது என நாள்தோறும் ஆயிரக்கணக்கான காணொளிகளும், தகவல்களும் சமூக ஊடகங்களில் வெளியானது. ஒவ்வொருவரும் ஒவ்வொரு மாதிரி தகவல்களை வழங்கின என்பது வேறு கதை. BLO க்களுக்கும் எவ்வித பயிற்சியோ, வாய்வழி விளக்கமோ அளிக்கப்படவில்லை. பல்வேறு குழப்பங்கள், தகவல் வேறுபாடுகளுக்குப் பிறகு ஏறக்குறைய விண்ணப்பங்கள் பெரும்பாலும் முடிகின்ற நிலையில் கடந்த 2002 /2005 இல் தனது பெயரோ, உறவினர் பெயரோ கண்டறிய முடியாதவர்கள் பிற விவரங்களை மட்டும் நிரப்பி ஒப்படைக்கலாம் என்று நேற்று தலைமை தேர்தல் அலுவலர் அறிவித்துள்ளார்.

3. மேலும், எங்கெல்லாம் விண்ணபங்கள் திரும்பப் பெறுவதில் சிக்கல்களும், குறைவான எண்ணிக்கையும் நிலவுகிறதோ அங்கெல்லாம் நேற்று அவசரம் அவசரமாக கண்காணிப்பாளர் ஒருவர் நியமிக்கப்பட்டுள்ளார்.

4. ஒவ்வொரு வாக்குச் சாவடியிலும் இறந்து போன ஒவ்வொருவருக்கும் தனித் தனிப் படிவங்களை நிரப்பச் சொல்லியுள்ளார்கள்.

#என்ன_நடக்கிறது.

1. BLO அவர்களிடம் கொடுக்கப்பட்ட படிவங்களின் எண்ணிக்கையை வாக்காளர்களிடம் அளிக்கப்பட்டதாக கணக்கிடப்படுகிறது. இன்னும் அடையாளம் காணப்படாத வாக்காளர்கள் ஒவ்வொரு வாக்கு சாவடி மையத்திலும் குறைந்த பட்சம் 50 இருக்கும்.

2. விண்ணப்பங்களை வாக்காளர்களுக்கு வழங்குவதில், சில இடங்களில் கட்சிக் காரர்கள் உதவி செய்துள்ளனர். (பெரும்பாலும் தி.மு.க). ஆனால், நிரப்பிய விண்ணப்பங்களை வாங்குவதற்கு கட்சியினர் உதவிகள் செய்யவில்லை. பெரும்பாலான வாக்காளர்களிடம் விண்ணப்பங்களை நிரப்பிக் கொடுப்பதற்கான ஆர்வம் இல்லை. அவர்களே வந்து பெற்றுக்கொள்வார்கள் என அமைதியாக இருக்கின்றனர். BLO மற்றும் உதவியாளர்கள் வீடு வீடாகச் சென்று விண்ணப்பங்களை பெறுகிறார்கள். அதனால் திரும்பிய விண்ணப்பங்களின் எண்ணிக்கை கூடியுள்ளது.

3. முதலில் அங்கன்வாடி பணியாளர்கள் இதில் ஈடுபடுத்தப்பட்டார்கள். பிறகு நகராட்சி, பேரூராட்சி அலுவலகப் பணியாளர்கள், ஊழியர்கள்; சத்துணவு ஊழியர்கள், ஆசிரியர்கள், ஆரம்ப சுகாதார நிலைய ஊழியர்கள், கூட்டுறவு சங்கப் பணியாளர்கள் மற்றும் ஊழியர்கள், நேற்றுமுதல் தலைமை ஆசிரியர்கள் என ஈடுபடுத்தப்பட்டுள்ளார்கள்.

4. SIR பணியில் ஈடுபட்டுள்ள யாருக்கும் எவ்வித பயிற்சி, வழிகாட்டுதல் போன்ற எதுவுமில்லை. பிறரிடம் கேட்டு கேட்டு, பலரும் பகிர்ந்துள்ள சமூக ஊடகக் காணொளிகளைப் பார்த்து அவர்களாகவே தெரிந்ததை செய்துகொண்டுள்ளனர்.

#என்ன_செய்திருக்கலாம்.

1. முதலில் கூறியபடி, நீக்கமற நிறைந்துள்ள ஆதார் எண் மற்றும் கைரேகையை வாக்காளர் அடையாளர் அட்டையுடன் இணைக்கின்ற வேலையை இப்போது செய்திருந்தால், வெகு எளிதாக பணி முடிந்திருக்கும்.

2. ஒரு SIM Card வழங்க, செல்பேசி மூலமே ஆதார் விவரங்களை அணுக ஒப்புதல் அளிக்கப்பட்டுள்ளது, தேர்தல் பணிகளுக்கு, அதுவும் வாக்காளர் விவரங்களை சரிப்பார்க்க அணுகுவதற்கு எவ்வித தடையும் சிக்கலும் இருந்திருக்காது.

3. இரண்டு மூன்று இடங்களில் வாக்காளர் அட்டை கூட இருக்கலாம். ஆனால், ஆதார் இருக்க வாய்ப்பில்லை. தேர்தல் ஆணையம் இதனை தவிர்ப்பதற்கு வலுவான உள்நோக்கம் / காரணம் இருக்கவேண்டும்.

4. இப்படி ஒரு மாதத்தில் SIR பணிகளை செய்தவற்கு வாய்ப்பில்லை. தமிழகத்தின் மொத்த வாக்காளர்கள் 6.41 கோடி. இதில் 22 லட்சம் பேருக்கு SIR படிவம் போய்ச் சேரவில்லை. இதில் சுமார் 20 லட்சம் வாக்காளர் பெயர் விடுபட வாய்ப்புள்ளது.

5. SIR படிவம் வழங்கப்பட்ட முகவரியில் உள்ள பலர், வேலை உள்ளிட்ட பல காரணங்களால் வேறு இடங்களில், வெளியூரில் வசித்து வருகின்றனர். அவர்கள் இதில் பெரிதாக அக்கறை காட்டுவதில்லை. இதிலும் வாக்காளர்கள் பெயர் ஒரு குறிப்பிட்ட சதவீதம் விடுபட வாய்ப்புள்ளது. மேலும் பல்வேறு தனிப்பட்ட காரணங்களால், படிவம் நிரப்பவோ, திருப்பி அளிக்கவோ விருப்பம் இல்லாமல், வாய்ப்பில்லாமல் ஒரு குறிப்பிட்ட சதவீதம் வாக்காளர்கள் பெயர் விடுபட வாய்ப்புள்ளது. இதுபோன்ற காரணங்களால் குறைந்த பட்சம் 50 முதல் 75 லட்சம் வரையிலான வாக்காளர்கள் பெயர், இறுதி வாக்காளர்கள் பட்டியலில் விடுபட வாய்ப்புள்ளது.

6. சுமார் 75 லட்சம் வரையிலான வாக்காளர்கள் பெயர் விடுபடாமல், வாக்காளர்கள் பட்டியலில் இடம் பெற வேண்டும் நிச்சயம் அனைத்துக் கட்சியைச் சேர்ந்தவர்களின் உதவியும் தேவைபடும். தி.மு.க மட்டுமே குறைந்த பட்சம் இதில் ஈடுபடுகிறது. அதுவும் விண்ணப்பங்களை வழங்குவதற்கும், முகாம்களில் சென்று பார்வையிட்டு புகைப்படம் எடுத்து வெளியிடுவது மட்டுமே நடக்கின்றது என நினைக்கின்றேன். விண்ணபங்களை நிரப்புவதற்கோ, அது ஒப்படைப்பதற்கொ தி.மு.க நிர்வாகிகள் செயல்படுவதாகத் தெரியவில்லை. (பிற பகுதிகளில் இருக்கலாம். எங்கள் ஊரில் இல்லை.)

7. அதிமுக, பாமக, தவெக ஆகிய கட்சிகள் குளறுபடிகள் நடக்கவேண்டும் என்றும், வாக்காளர்கள் பெரிய எண்ணிகையில் விடுபட வேண்டும் என்றும் எதிர்பார்த்த்து, இதில் பா.ஜ.க-வின் குரலாக ஒலிக்கின்றார்கள். அப்போதுதான், திமுக அரசு / தமிழ்நாட்டு அரசு SIR பணிகளை ஒழுங்காகச் செய்யவில்லை என ஏற்கனவே கூறும் குற்றச்சாட்டினை உறுதிபடுத்தமுடியும் என காத்திருக்கின்றார்கள்.

8. வாக்காளர்களிடம் அளிக்கப்பட்டு நிரப்படாத படிவங்களையும், வெளியூரில் உள்ள வாக்காளர்களின் படிவங்களையும் நிரப்பி திரும்பப் பெறுவதான சிறப்பு வழிகாட்டுதல் அறிவிப்புகளை வெளியிடவேண்டும். இப்பணிகளில் தன்னார்வலர்களை ஈடுபடுத்தலாம்.