இஸ்லாமியர்களுக்கு எதிரான கட்டுக்கதைகளின் ஆண்ட்ராய்டு வெர்ஷன் : அமரன்

 இஸ்லாமியர்களுக்கு எதிரான

கட்டுக்கதைகளின் ஆண்ட்ராய்டு வெர்ஷன் : அமரன்

----------------------------------------------------------------------------------------------------------------------

பலநேரங்களில் எது பேசப்படவேண்டுமோ அது பேசப்படாமல் போகும். எது செய்தியாக்கப்பட வேண்டுமோ, அது ஒற்றை வரி செய்தியில் கூட வராமல் போய்விடும்.

இயக்குநர் உள்ளிட்டவர்கள் கூட நினைத்துப் பார்த்திராத வகையில் மெய்யழகன் படம் இப்போது ஒவ்வொரு காட்சியும், வசனமும் அதாவது Frame by Frame Decoding செய்யப்பட்டு வருகிறது.

மெய்யழகன் அந்த அளவிற்கு முக்கியமான படமாவோ,   Political Agenda எதுவும் இருப்பதாகவோ தெரியவில்லை. சாதிய இருப்பினை தக்க வைப்பதாக இருக்காலாம், மிகைப்படுத்தப்பட்ட அதீத உணர்ச்சி உணர்வு மிகுந்தாகவும் இருக்கலாம். இதனால் ஏற்படும் எதிர் மறை அல்லது ஆபத்துகளைவிட அமரன் பலமடங்கு விஷத்தை விதைத்துள்ளது.

தேசபக்தி, எல்லைப் பாதுகாப்பு, இராணுவம், உயிரிழப்பு என்ற போர்வையில் இந்துமயமாக்கல் என்ற வலை விரிக்கப்பட்டுள்ளது. இந்த வலையில் ஏறக்குறைய பொதுச் சமூகம் விழுந்து கொண்டிருக்கின்றது என்றால் மிகையில்லை.

அமரனும் அதன் உள்நோக்கமும்தான்  இப்போது  Decoding செய்யவேண்டும்.

விஜய்காந்த் அவர்களோடு முடிந்துபோன காஷ்மீர் மற்றும் தீவிரவாதிகள் இப்போது ஆண்ட்ராய்டு வெர்ஷனாக கமலஹாசனின் முழு புத்தியிலிருந்து வெளியாகியுள்ளது.

குருதிப்புனல், உன்னைப்போல் ஒருவன், விஸ்வரூபம் ஆகியவைகளின் தொடர்ச்சி என்று கூட சொல்லலாம்.   அதில் சாதிக்க முடியாததை இதில் சாதித்துக்கொண்டார். இனி இவரின் அரசியல் மற்றும் கலைப் பயணம் வலுவாக அமையும்.

அப்சல் குரு தூக்கிலிடப்பட்டதால் பழிவாங்க வரும்  தீவிரவாதி அல்தாப் பாபா முகுந்தனால் கொல்லப்பட்டதும், அதற்குப் பழிவாங்க வாசிம் அலி வருகிறார். இவரைக் கொல்லும்போது முகுந்தனும் இறந்து போகிறார். இதுதான் படம்.

இன்னும் எத்தனை ஆண்டுகள் ஆனாலும் மணிரத்னம், கமல்ஹாசன்கள் காஷ்மீர் என்றால்  இஸ்லாமிய தீவிரவாதிகள் என்பதை விடமாட்டார்கள்.

பிறந்த குழந்தைக்கு, கிருஷ்ணர் சிலையைப் பார்த்து முகுந்த் என பெயர் வைக்கப்படுகிறார்கள். (தசாவதாரம் நினைவு வரவில்லை என்றால் ஆச்சரியம்).

இப்போது Decoding செய்யப்பட வேண்டியது மெய்யழகன் அல்ல. அமரன்தான். 

மெய்யழகன் பேசும் உறவுகளாலும் உணர்வுமயமான கற்பனைகளாலும் பெரும் ஆபத்துகள் இல்லை. எந்த சமூகத்தையும் தீவிரவாதிகளாகவும், சமூக விரோதிகளாகவும் சித்தரிக்கவில்லை. உறவுகளால் கட்டியெழுப்பப்படும் உணர்வுகளால் சாதி இருப்பு தக்க வைக்கப்படலாம். ஆனால் அமரன் கட்டமைக்கும் அளவிற்கு ஒரு மோசமான சூழலை உருவாக்காது என நினைக்கிறேன். 

இந்து மயமாக்கலின் அரசியல் தெரியாத இன்றைய 2கே கிட்ஸ், இந்து வர்கீஸ் எனும் மனைவியின் கண்ணீருக்கு காரணம் இஸ்லாமிய தீவிரவாதிகள் என நம்புகின்றனர். 

இந்திய அரசும், RAW வும் சேர்ந்து போலியாக அமைப்புகளை உருவாக்கி ஆயுதங்கள் வழங்கியது, தாக்குதல்களைத் தொடுத்தது, பொதுமக்களை விசாரணை என்ற பெயரில் சித்திரவதை செய்தது போன்றவைகள் பேசப்படுவதில்லை.

இது குறித்து எழுதிய The Caravan பத்திரிகையை பாஜக அரசு முடக்குவதற்கான முயற்சிகளை மேற்கொள்ளும் செய்திகள் வருகின்றன.

வீட்டிலுள்ள பெண்கள், 2கே கிட்ஸ், குழந்தைகளிடம் நாம் அமரனின் ஆபத்து குறித்தும், இதன் பின்னுள்ள அரசியல் குறித்தும் பேசவேண்டும். இல்லையென்றால் அமரன் நிச்சயம் 2கே கிட்ஸ் மற்றும் பெண்கள் மனதில் அமரனாகவே இருப்பான்.  

நாமெல்லாம் ஆபத்தானவர்களாக முன்னிறுத்தப்படுவோம்.

 27.10.2024

பச்சையப்பன் கல்லூரிகளில் பணியமர்த்தப்பட்ட

132 பேருக்கும் உடனடியாக ஒப்புதல் வழங்கி, ஊதியமளிக்க வேண்டுமென

உயர்கல்வித் துறை மற்றும் பல்கலைக் கழகங்களுக்கு

சென்னை உயர்நீதி மன்றம் உத்திரவு.

-------------------------------------------------------------

அன்புடையீர் வணக்கம்.

பிற மாநிலங்களைவிட தமிழகத்தில் உயர்கல்வி செல்வோர் எண்ணிக்கை அதிகம் எனசெய்திகள் கூறுகின்றன. இடையூறுகளை ஏற்படுத்தாமல் உயர்கல்வித் துறை சரியாகச் செயல்பட்டால் ஒருவேளை இந்த எண்ணிக்கை இன்னும் அதிகரிக்கவும் வாய்ப்புள்ளது.

பச்சையப்பன் அறக்கட்டளையால் சென்னை, காஞ்சிபுரம், கடலூரில் நடத்தப்படும் 6 கலை மற்றும் அறிவியல் கல்லூரிகளில் காலியாக உதவிப் பேராசிரியர் உள்ளிட்ட 132 பணியிடங்களுக்கு பல்கலைக் கழக மானியக்குழு மற்றும் நீதிமன்ற வழிகாட்டுதல் படி, அறக்கட்டளைத் தலைவர் நீதிபதி பார்த்தீபன், செயலாளர் சி.துரைக்கண்ணு ஆகியோர் தகுதியானவர்களை தேர்வு செய்து பணிநியமன ஆணை வழங்கியுள்ளனர்.

இடையூறுகளுக்கு அஞ்சாமல், நேர்மையான முறையில் தகுதியானவர்களை தேர்வு செய்த தலைவர் மற்றும் செயலாளர் உறுதியினைப் பாராட்டுகின்றோம்.

#உயர்_கல்வித்துறையும்_சென்னைப்_பல்கலைக்_கழகமும்_செய்த_இடையூறுகள்.

செப்டம்பர் 9, 10 ஆம் தேதிகளில் நடைபெற வேண்டிய நேர்காணலை நடத்த விருப்பமில்லை என சென்னைப் பல்கலைக் கழகப் பேராசிரியர்கள் 84 பேர் மறுத்து கடிதம் கொடுத்தனர். இதனால் நேர்காணல் நடைபெறவில்லை. நடவடிக்கை எடுக்காமல் வேடிக்கைப் பார்த்த உயர்கல்வித் துறை மற்றும் சென்னைப் பல்கலைக் கழகம் மீது பச்சையப்பன் அறக்கட்டளை சென்னை உயர்நீதி மன்றத்தில் நீதிமன்ற அவமதிப்பு வழக்குத் தொடுத்தது.

#உயர்நீதி_மன்ற_உத்திரவுக்குப்_பின்பு__ஒத்துழைத்த_உயர்கல்வித்துறை

இவ்வழக்கினை விசாரணைக்கு ஏற்ற உயர்நீதி மன்ற நீதிபதி நீதியரசர் ஆனந்த வெங்கடேஷ் அவர்கள் கண்டித்து, உத்திரவிட்ட பிறகு உயர் கல்வித்துறை நேர்காணல் நடத்த ஒத்துழைப்பு அளித்தது. அதனடிப்படையில் 132 பணியிடங்களுக்கு செப்டம்பர் 27, 28 மற்றும் 30 ஆகிய மூன்று நாட்களும் நேர்காணல் நடைபெற்றது.

பல்கலைக் கழக மானியக்குழு வழிகாட்டுதல்படி அமைக்கப்பட்ட 113 பேராசிரியர்கள் கொண்ட நேர்காணல்குழு தகுதியான 132 பேரை தேர்வு செய்தது, 03.10.2024 அன்று பச்சையப்பன் அறக்கட்டளை அனைவருக்கும் பணிநியமன ஆணை வழங்கியுள்ளது.

நேர்மையான முறையில் நடைபெறுவதற்கான அப்பணி நியமனங்களை தடுத்து நிறுத்த முயற்சித்த உயர்கல்வித்துறை அதிகாரிகள் உள்ளிட்டோர் மீது உரிய நடவடிக்கை எடுக்கக்கோரி, தமிழகமறிந்த பேராசிரியர்கள், மனித உரிமைச் செயல்பாட்டாளர்கள், எழுத்தாளர்கள் சார்பில் செப்டம்பர் 8 மற்றும் 10 தேதியில் கூட்டுஅறிக்கை வெளியிடப்பட்டதுடன், 27.09.24 அன்று சென்னையில் பத்திரிகையாளர் சந்திப்பும் நடத்தப்பட்டது.

#இப்போதைய_விசாரணையும்_உத்திரவும்

இந்நிலையில் 23.10.2024 அன்று சென்னை உயர்நீதி மன்றத்தில் விசாரணைக்கு வந்த மேற்படி நீதிமன்ற அவதிமதிப்பு வழக்கில்,

#நான்கு வாரத்திற்குள் 132 பேரின் பணிநியமனத்திற்கும் சென்னை மற்றும் அண்ணாமலைப் பல்கலைக்கழங்கள் ஒப்புதல் அளித்து, உயர் கல்வித்துறைக்கு அனுப்பவேண்டும்.

#இதனைப் பெற்ற உயர்கல்வித் துறை அடுத்த நான்கு வாரங்களுக்குள் பணிவரன் முறை செய்து 132 பேருக்கும் ஊதியம் வழங்கிடவேண்டும்.

#செப்டம்பர் 9, 10 தேதிகளில் நடைபெற்றிருக்க வேண்டிய நேர்காணலை நடத்திட ஒப்புதல் அளித்து, பிறகு மறுத்துவிட்ட சென்னைப் பல்கலைக்கழகப் பேராசிரியர்கள் 84 பேர் மீதும் நடவடிக்கை எடுக்கவேண்டும்.

என்ற உத்திரவுகளை நீதிபதி அவர்கள் பிறப்பித்துள்ளார்கள்.

மேற்கண்ட மூன்றிலும் உரியநடவடிக்கைகள் எடுத்து, தொடர்புடைய ஆவணங்களை நீதிமன்றத்தில் தாக்கல் செய்யுமாறு கூறிய நீதிபதி, நீதிமன்ற அவமதிப்பு வழக்கினை 20.12.2024 ஆம் தேதிக்கு தள்ளிவைத்து உத்திரவிட்டுள்ளார்.

இவன்,

1.எழுத்தாளர் எஸ்.வி.இராஜதுரை, மனித உரிமை செயற்பாட்டாளர்

2.வழக்கறிஞர் ஹென்றி டிபேன், மக்கள் கண்காணிப்பகம், மதுரை.

3.பேராசிரியர் வீ.அரசு, சென்னை

4.பேராசிரியர் அ.மார்க்ஸ், மனித உரிமைச் செயற்பாட்டாளர்

5.பேராசிரியர் அரங்க மல்லிகா, சென்னை

6.எழுத்தாளர் வ.கீதா, சென்னை

7.பேராசிரியர் பிரபா கல்விமணி, தலைவர், நகரக் கல்வி மேம்பாட்டுக் குழு,

8.பேராசிரியர் சங்கரலிங்கம், தலைவர், மக்கள் சிவில் உரிமைக் கழகம்

9.வழக்கறிஞர் ஜான் வின்சென்ட், செயலாளர், மக்கள் சிவில் உரிமைக் கழகம்

10.கண.குறிஞ்சி, ஒருங்கிணைப்பாளர், தமிழ்நாடு மக்கள் உரிமைப் பேரவை

11.பேராசிரியர் மு.திருமாவளவன், கம்யூனிஸ்ட் கட்சி (மா.லெ), மக்கள் விடுதலை

12.பழ.ஆசைத்தம்பி, மாநிலச் செயலாளர், சி.பி.ஐ (எம்.எல்), தமிழ் நாடு

13.வே.அ.இரமேசுநாதன், அமைப்பாளர், நீதிக்கான தலித்,பழங்குடி கூட்டமைப்பு

14.பேராசிரியர் அரச முருகுபாண்டியன், பி.யூ.சி.எல், சிவகங்கை

15.அ.சிம்சன், ஒருங்கிணைப்பாளர், நீதிக்கான மக்கள் இயக்கம்.காரைக்குடி.

16.கோ.சுகுமாரன், செயலாளர், மக்கள் உரிமைக் கூட்டமைப்பு, புதுச்சேரி

17.காஞ்சி அமுதன், தமிழ் உரிமைக் கூட்டமைப்பு, காஞ்சிபுரம்

18.அருட்தந்தை அ.ரபேல்ராஜ், கவசம், கக்கனூர், விழுப்புரம்

19.வாசுகி பாஸ்கர், ஆசிரியர், நீலம் பதிப்பகம், சென்னை

20.பேராசிரியர் சே.கோச்சடை, எழுத்தாளர், கல்வியாளர், சிவகங்கை

21.வழக்கறிஞர் சுப.தென்பாண்டியன், மக்கள் உரிமைக் கூட்டணி, சென்னை

22.அ.தேவநேயன், தோழமை, குழந்தை உரிமை செயற்பாட்டாளர், சென்னை

23.வழக்கறிஞர் இராபர்ட் சந்திரகுமார், உயர்நீதிமன்றம், மதுரை.

24.ஆ.இரவி கார்த்திகேயன், மருதம், விழுப்புரம்.

25.கவிஞர் இசாக், சென்னை

26.ஆர்.மோகனசுந்தரம், ஓய்வு பெற்ற ஆசிரியர், விழுப்புரம்

27.பி.வி.இரமேஷ், தலைவர், மக்கள் பாதுகாப்புக் கழகம், விழுப்புரம்

28.இரா.பாபு, மனித உரிமைச் செயல்பாட்டாளர்,கடலூர்.

29.முருகப்பன் ராமசாமி, நகரக் கல்வி மேம்பாட்டுக் குழு, திண்டிவனம்.

----------------------------------------------------

மக்கள் கல்வி இயக்கம்

7, பாரதிதாசன்நகர், கல்லூரிச் சாலை,

திண்டிவனம் – 604001.

பேச : 9442622970 / 9894207407.

தேசிய நெடுஞ்சாலை : 40 கி.மீ போக்குவரத்திற்குத் தடை

ஆளுங்கட்சிகள் கூட, தங்கள் கட்சி மாநாட்டிற்காக தேசிய நெடுஞ்சாலையில்

சுமார் 40 கிலோ மீட்டர் தூரத்திற்கு பொதுப் போக்குவரத்திற்கு தடை விதித்ததில்லை.

விழுப்புரம் திண்டிவனம் இடையே பொது போக்குவரத்து முற்றிலும் தடை செய்யப்பட்டுள்ளது.

முன்கூட்டியே இதனை அறிவித்திருந்தால் யாரேனும் நிச்சயம் நீதிமன்றம் சென்றிருப்பார்கள்.

அதற்கான நேரமோ, வாய்ப்போ அளிக்காமல் இப்போது தடை

குறித்து அறிவிக்கப்படுகிறது.

உண்மையில் அரசு எச்சரிக்கையோடு செயல்படுகிறதா அல்லது பிற்கால தேர்தல் கூட்டணியை மனதில் வைத்து சலுகையாக அளிக்கிறதா என்பதை காலம்தான் வெளிப்படுத்தும்.

கட்சியின் தலைவர் விஜய் அவர்களுக்கு இந்த 40 கி.மீ தூரத்திற்கான பொதுப்போக்குவரத்திற்கு தடை விதிக்கப்படும் என்ற விவரம் முன்கூட்டியே தெரியாமல் இருந்திருக்காது. இதனை விஜய் தவிர்த்திருக்க வேண்டும்.

செஞ்சி அல்லது புதுச்சேரி வழியாக மாற்றப்பட்டு சுற்றிச் செல்வது, பெரும் அலைச்சலுடன், அதிக செலவும் நேரம் ஆகும் இழப்பாகும்.

All reactions:

31இசாக் Ishaq, Thi Ka Govindarajan and 29 others

மாஞ்சோலை : ஆவணப்படம்

’’மாஞ்சோலை’’ ஏறக்குறைய 25 ஆண்டுகளுக்குப் பின்பு, கடந்த சில மாதங்களாக தமிழக ஊடகங்களிலும், நீதிமன்றத்திலும் பேசப்படும் பெயர்.

இதற்கு நூற்றாண்டுக்கும் மேலான வரலாறு உள்ளது. அதைத்தான் இந்த ஆவணப்படம் சொல்கிறது.

ஆவணப் படம் என்பது வரலாற்றைக் காட்சிப்படுத்துவது, வெளிப்படுத்துவது என்பதுடன் காலத்தின் பதிவாக ஆவணப்படுத்துவதும்தான். ஆனால், பல நேரங்களில் ஆவணப்படம் என்பது அலுப்பூட்டுவது அமைந்துவிடுகிறது. அதற்கு காரணம் தெரிந்த, அறிந்த அனைத்தையும் மொத்தமாக அள்ளி கொடுத்துவிடவேண்டும் என்பதாகவும் இருக்கலாம்.

ஆனால் இந்த ’’மாஞ்சோலை” ஒரு ஆவணப் படம் என்பதையும் தாண்டி நிற்கிறது. கொஞ்சம் கூட நகரவிடாமல், அடுத்து என்ன என நம்மையும் கூடவே அழைத்துச் செல்கிறார்கள். இதுதான் ஒரு ஆவணப்படத்தின் வெற்றி.

மாஞ்சோலை என்பது என்ன, எப்படி உருவானது, இன்று என்ன சிக்கல், எப்படி தீர்ப்பது என்பதை மக்களே கொஞ்சம் கொஞ்சமாக சொல்லி வருகிறார்கள்.

பல விஷயங்கள் ஒரு கதைபோன்ற தொணியில் சொன்னால் எளிதில் எதிரில் உள்ளோரின் மனதில் போய் ஒட்டிக்கொள்ளும். நிற்கும். அப்படித்தான் இதில் ஒவ்வொருவரும் சொல்லிக்கொண்டே இருக்கின்றார்கள்.

இதனை ஒரு கதை சொல்லும் உத்தி போன்று, ஒரே நேர்கோட்டில் எடுத்துச் சென்ற இயக்குநர் சாம் பெரிதும் பாராட்டிற்குரியவர்.

ஒரு மணி நேரத்திற்கு மேலான ஒரு ஆவணப்படத்தை கொஞ்சமும் அலுப்பூட்டாமல், மக்களின் கூடவே பயணிப்பது போன்ற மனநிலை மட்டும் இல்லாமல், மக்களுக்கு துணையாக நிற்க வேண்டும் உறுதியையும் உந்துதலையும் உருவாகியுள்ளார்கள் சாம் குழுவினர்.

மொத்த குழுவினரும் மிகச் சிறப்பாக செய்துள்ளார்கள். அவர்களின் கடும் உழைப்பும், அக்கறையும் ஒவ்வொரு காட்சியிலும் ஆழமாக வெளிப்படுகிறது.

மாஞ்சோலை சிக்கலைப் பேசுகின்ற நிலையில் மட்டும் இல்லாமல், ஆவணப் படங்களின் வரிசையிலும் இது முக்கியமானது. இதற்கான சிறப்பிடத்தை நிச்சயம் பெறும்.

ஒரு ஆவணப்படம் எப்படி இருக்கவேண்டும் என்பதற்கு இது ஒரு ஆவணம். உதாரணம்.

மொத்த குழுவினருக்கும், உறுதியாகப் போராடும் மக்களுக்கும் வாழ்த்துகள்.

நன்றி Robert Chandrakumar

https://www.youtube.com/watch?si=uIWay3UiexLIHcZ6&fbclid=IwY2xjawGVYv1leHRuA2FlbQIxMQABHXEQp70kpM1ngVHkyihFCwWBdLnn6x58KCnMn_9EUp3Lr9TS_Gd18KwiPw_aem_NlQKg_WKG-7mNBneQIaadA&v=vM18u58rwhk&feature=youtu.be

சென்னை: ``பக்கத்து கடை அட்ரஸை வச்சுதான் `ஆதார் கார்டு' வாங்கிருக்கோம்'' - வீடற்றவர்களின் நிலை!

புகைப்படங்கள் மகன் அம்பேத் Ambedkar Murugappan

செய்தி ஸ்ரீகாந்த்

வீடற்று வசிக்கிற மக்களின் நிலை : சென்னையின் மிக முக்கிய பகுதிகளிலேயே இத்தகைய காட்சிகளைக் காணமுடிகிறதென்றால், பெரும்பாலான மக்களின் பார்வைக்கேப்படாத இடங்களில் எப்போது மாறும்?

https://www.vikatan.com/government-and-politics/policy/homeless-people-in-chennai-will-the-government-care?fbclid=IwY2xjawGVYoFleHRuA2FlbQIxMQABHYVXz5k64qfumqiLvWLhINqc06J_Vvpc2Y_b6DPeLe_ZBpR3lvYSHV9TAg_aem_L1Sa155Kmntz-dLRhx7UqQ

மழை செய்தி : காட்சி ஊடகங்களுக்கு வழிகாட்டு நெறிமுறைகள்?

மழை செய்தி :

காட்சி ஊடகங்களுக்கு

வழிகாட்டு நெறிமுறைகள்?

பருவ மழை செய்திகளை காட்சி ஊடகங்கள் வெளியிடுவது குறித்து ஒரு வழிகாட்டுதல் உருவாக்கி நடைமுறைப்படுத்துவது அவசியம் என்று தோன்றுகின்றது. இப்போதாவது இதற்கான முயற்சிகளை முன்னெடுப்போம்.

பருவ மழை அவசியம் தேவை என்பதை அனைவரும் அறிவோம். மழையின் போது நீர் தேங்குவதும் அதன் அளவைப் பொறுத்து வடிவதும் இயல்பான போக்கு. ஒருவேளை அதிக மழை பெய்தால் தேங்கும் தண்ணீரின் அளவைப் பொறுத்து, அதன் வேகத்திற்கு ஏற்ப வடிய காலம் எடுக்கும். இதுவும் அனைவருக்கும் தெரிந்ததுதான். யாருக்கும் புரியாதது அல்ல.

தேங்கிய நீர் காலங் கடந்தும் வடியாமல் இருந்தால் அதற்கு வடிகால் இல்லை என்பதும் அந்த வழிகள் மனிதர்களால் ஆக்கிரமிக்கப்பட்டு, மறிக்கப்பட்டு, மறைக்கப்பட்டுள்ளது என்பதும் நாம் அறிந்தது.

இந்நிலையில் மழை வர வாய்ப்புள்ளது என வானிலை அறிக்கை கூறிய உடனே காட்சி ஊடகங்கள் ஏதோ பெரிய போர் வருவது போன்றும், இதற்குப் பின் மனிதர்கள் யாரும் உயிரோடு இருக்கப்போவதில்லை என்பது போன்றும், வரும் மழை மனித இனத்தையே கொன்றழிக்கப் போகின்றது என்பது போலவும், இதனைத் தாண்டி எப்படி யார் உயிரோடு இருக்கமுடியும் என்பதைப் போன்று

செய்திகளை உருவாக்கி, வெளியிட்டு, அச்சமும் பீதியும் உருவாக்கி வருகின்றனர்.

யாராலும் கற்பனையாக நினைத்துப் பார்க்கமுடியாத வகையில், ‘’தப்பிக்குமா?’’ என்ற வகையில் மிகைப்படுத்தி, செய்திகளை வெளியிடுவது பொது அமைதியை சீர்குலைக்கும் ஒன்றாக உருமாறுகின்றது.

பருவ மழை காலம், காற்றழுத்த தாழ்வு மண்டலம் உருவாகியுள்ளது, மழை பெய்தது என ஒரு செய்தியாக மட்டுமே வெளியிடுவதுதான் நாகரீகப் பண்பு, நடைமுறை.

ஒருவேளை அதற்கும் மேலாக விரிவான செய்திகள் வெளியிட விரும்பினால், மழை நீர் வடியாமலிருக்கும் இடத்தில், ஏன் வடியாமல் தேங்கி நிற்கிறது,

யார் காரணம், என்ன காரணம்,

நீர் வரத்து மற்றும் வடிகால் பகுதிகளை யார் ஆக்கிரமிப்பு செய்துள்ளார்கள் என்பதை வெளியிடுவதுதான் நெறிமுறை மற்றும் மதிப்புடையதாக (Ethics and Value) இருக்கும்.

இதுதான் பொது நலம் பயக்கும். அதுதான் அக்கறை உள்ளது என்பதை வெளிப்படுத்தும்.

மழை குறித்த செய்திகள்தான் வெளியிட வேண்டும் எனில்,

மிக அதிக கன மழை பெய்தாலும் தமிழகத்தில் உள்ள ஆயிரக்கணக்கான ஏரி, குளம், ஓடை, குட்டை மற்றும் ஆறு போன்றவைகளில் ஏன் தண்ணீர் வருவதில்லை, இந்த நீர் பிடிப்பு அல்லது நீர் சேமிப்பு பகுதிகளுக்கு வரவேண்டிய தண்ணீர் எங்கே போனது, ஏன் வராமல் தடைபடுகிறது என்று ஆய்வு செய்திகளை வெளியிடலாம்.

இது நாட்டின் வளர்ச்சிக்கும் பாதுகாப்பிற்கும் மனித வாழ்வுக்கும் அவசியமான அடிப்படையான ஒன்று.

மேலும்மழை நீரை எப்படி சேமித்து கோடைகால குடிநீர் தட்டுப்பாட்டை போக்கலாம் என்ற ஆய்வுகளையும் வழிகாட்டுதல்களையும் வெளியிடலாம்