இந்துத்துவ எதிர்ப்பு மட்டும் போதாது..

சென்னையில் நடந்த மாட்டுக்கறித் திருவிழாவில் உரையாற்றிய அ.மார்க்ஸ் பல்வேறு செய்திகளைச் சொல்லியிருந்தார். 
இந்துத்துவ நாடாக இந்தியாவை மாற்ற நினைக்கும் எண்ணப்போக்கில்தான் பாஜக அரசின் செயல்கள் முனைகின்றன. 
மனுதர்மத்தையெல்லாம் நடைமுறைப்படுத்துவது அவர்கள் நோக்கமல்ல, அம்பேத்கருடன் இணக்கமாகக் காட்டிக்கொள்வதன் வாயிலாக தலித்துகளுடன் நெருங்கவே அவர்கள் முயற்சிக்கிறார்கள். 
அம்பேத்கர் படத்துடன் மோடியின் படத்தை இணைத்து வெளியிடுவதெல்லாம் அதன் பகுதிதான். 
ஆக இந்து அல்லாத மற்ற மதத்தினரை அழித்தொழிக்க தயாராவதுதான் அவர்களின் நோக்கம். 
எனவே சிந்தனையாளர்கள் இன்றைய நிலையில், நாங்கள் இந்துத்துவத்துக்கு எதிரானவர்கள் என்று அறிவிப்பது மட்டும் போதாது. 
முஸ்லிம்களுடன் இருக்கிறோம் என்றும் சொல்வது ரொம்பவும் முக்கியமானது.